Masamu 31:19 - Amazwi Yakwe Leza 2013

¹⁹ Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Masamu 31:19 ပူးပေါင်းရင်းမြစ်များ

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Masamu 68:28

Leza ale langa amaka yako yano waomvizye apakutupususya.

Masamu 73:1

Cumi kwene, Leza umusuma ku ina Izlaeli, uku antu akwata imyenzo iyakaele!

Ezaya 26:12

We Yawe, awewe ukampela ulongo, pano vyonsi vino tukalola umu kuomba, awewe ukalenga ukuti tuvilole.

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Ezaya 64:4

Awe cumi, kutatala kwaya umuntu wino walola nanti ukuvwa Leza umwi uwaya na maka wakwe wewe. Wiyo angacitila antu yano yamutaila ivintu ivyaya wakwe vii.

Mpendwa 23:23

Pano pataya insapolo, nanti ulozi, uno ungaleta mupamba pa luko lwa Izlaeli. Lyene antu yalalanda pali Izlaeli yati, ‘Si lolini vino Leza watacita!’

Yoane 3:21

Lelo wino wensi akacita vya cumi, wene akaiza ku luswepo pakuti luswepo lungasokolola ukuti vino akacita vyene vikacitwa mu kuyela Leza.

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

1 Kolinto 2:9

Lelo cili ndi vino calembwa mu malembelo cati, “Cintu cino umuntu ataweni nanti kuvwa, cintu cino umuntu atatazile aelenganye ukuti cingacitika, cili cintu cino Leza wateyanyizizya yao amutemwa.”

2 Kolinto 5:5

Leza aliwe watuteyanyizya kusenulwa kuu nga watupela Mupasi Wamuzilo mu myenzo kuti alangilile vino sweswe akwakwe.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.