Masamu 31:15 - Amazwi Yakwe Leza 2013

¹⁵ Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 31:15 ပူးပေါင်းရင်းမြစ်များ

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

2 Milandu 14:10

Alino Asa amukomenkanya uku kumulwisya. Iyakomenkana umu lunyika lwaku Zefata pipi nu musumba wa Malesya.

Yobo 24:1

“Uzye pacani cino Leza Wamaka yonsi wakana ukuteyanya zuwa insita yakumpingwilila penepo? Uzye pacani cino yayo akacita vyaololoke yalole wanda uwakuyacitilamo ulungi?

Masamu 116:15

Ala Yawe cikamuwaya sana umuntu wakwe umwi nga wafwa.

Masamu 140:7

We Yawe Simwandalali, umukuluzi wane uwamaka, awewe ukancingilila umu wanda wa ulwi.

Masamu 142:6

Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.

Masamu 143:12

Lovya anisi yane uku luse lwako sile, uonone yonsi akancuzya, pano nene muzya wako.

Masamu 143:3

Umwanisi akucuzya umwenzo wane. Watafwanta umi wane pansi. Watampatikizya ukwikala umu mfinzi, ungati ayano yafwa mpiti.

Masamu 143:9

We Yawe, mpususye uku anisi yane, pano kunuli akuno nkazina.

Masamu 17:13

Katuka, we Yawe, ulungatane nayo nu kuyacimvya! Ntuule uku mwipe nu lupanga lwako.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 91:2

alanena Yawe ati, “Wewe uli cele lyane, muno nkauwa! Wewe Leza wane wino nataila.”

Kufuma 40:37

Lelo ndi kumbi litasensile, aina Izlaeli nayo kwene yatangatenuka yafume papo. Lelo yalolela mpaka kufika pa wanda uno ikumbi lyasenka.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Luka 9:51

Lino manda yapalama akuti Yesu asendwe kwiyulu, lyene apanga ulwendo kuya ku Yelusalemu.

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Yoane 17:1

Lino yesu wamala kulanda, alingamila kwiyulu avwanga ati, “Tata, kasita kati kiza. Sokolola lulumbi lwa Mwana wako kuti Mwana wako nawe asokolole lulumbi lwako.

Yoane 7:30

Lyene yalonda kuti yamuleme, lelo patali umuntu uwakuti amuleme, pano kasita kakwe kalanga katali kafike.

Yoane 7:6

Lelo Yesu ayanena ati, “Kasita kane katali kize. Mwemo kasita kinu apano kali.

Milimo 1:7

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Milimo 27:24

‘Utuvwa intete, Paulo! Uli nu kuya imilila pa manso yakwe Kesa. Leza mu usuma wakwe kunuli watakupeela amaumi ya antu yonsi yano mupatime nao, yatakufwa.’

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

2 Petulo 1:14

Manyile vino Mwene Yesu wanena mpiti ukuti ndasya mwili uu.

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.