Masamu 31:14 - Amazwi Yakwe Leza 2013

¹⁴ Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

Masamu 31:14 ပူးပေါင်းရင်းမြစ်များ

Utandiko 37:18

Lelo aina yamulola katalamukila, nga lino atali kuti afike pano yali, yapangana kuti yamukome.

Masamu 140:6

Nanema Yawe nati, “Wewe uli Leza wane.” Uvwa izwi lyane kuno nkukupapata.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 43:5

We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Masamu 71:12

Leza we, ala utantaluka foo, kalauka sile ndungazwe, Leza wane!

Masamu 71:22

Nemo namakulumbanyizyanga umu viwaya, namakulumbanyanga we Leza wa cumi. Apa kangoma kane apano nemo namakwimbililanga inyimbo, wewe, we Wamuzilo uwa ina Izlaeli.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Mateo 27:46

Ukulingana na lino ilanzi lyatemba (3 koloko), Yesu alaizya ni zwi likulu ati, “Eli, Eli, lama sabakatani?” Cikusenula ukuti, “Leza wane, Leza wane, pacani wantazyela.”

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”