Masamu 27:14 - Amazwi Yakwe Leza 2013

¹⁴ Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Masamu 27:14 ပူးပေါင်းရင်းမြစ်များ

Utandiko 49:18

“We Yawe, nkalolela ufyusi wako.

Masamu 130:5

Nkalolela uwazwilizyo wakwe Yawe, nkalolelela nu mwenzo wane onsi, nupya nkataila amazwi yakwe.

Masamu 138:3

Uwanda uno nalaizye wanguvwile, wandundile na maka.

Masamu 25:21

Si angala usuma na ucumi wane vile vincingilile, pano nemo nasintilila munuli.

Masamu 25:3

Yonsi akataila munuli yatalazewana. Lelo yayo akakusangukila zuwazuwa, ali yano insonyi zilalema.

Masamu 31:24

Muposye nupya muzyansye, mwensi mwe muno mwataila Yawe!

Masamu 33:20

Utailo witu waya muli Yawe. Wene ali kazwa witu na kacingilila witu.

Masamu 37:34

Taila muli Yawe, uwalondela inzila zyakwe. Alakupeela amaka akupyana impanga, ulalola nakuno antu aipe yazingwa mwenemo.

Masamu 37:7

Utekele sana nu kutaila muli Yawe, utasokela wiyo uwaya nu longo, nanti wiyo akacita ivya ucenjezi.

Masamu 40:1

Nemo nalolela Yawe nu mwenzo wane onsi, kuti angazwilizye. Lyene wasuka uvwa ukupapata kwane.

Masamu 62:1

Umwenzo wane wazana ukupuza muli Leza mutupu. Ufyusi wane wafuma sile kunoli.

Masamu 62:5

Nemo a Leza sile wenga, ali wino nikalilila, nupya ali wino nataila.

Mapinda 20:22

Utalanda ukuti ulalandula pa uyi uno yakucitila, uwataila sile muli Yawe, aliwe alakupususya.

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Luka 2:38

Pa nsita kwene lino akwasi yatwazile umwana Yesu mu Ng'anda ikulu yakwe Leza, Ana nawe aiiza ku kupeela intaizyo kuli Leza. Alino alanda pamulandu wa mwana kuli yano yonsi alolelanga kuti Leza akulule amu Yelusalemu.

Milimo 28:15

Aina amu Loma lino yuvwa ukuti tukwiza, iiza yafika nu kwi Sokoni lya Apio, nga nu ku Ng'anda zitatu zya enyi kwiza tukomanya. Lino Paulo wayalola, ataizya Leza nga akomeleka.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

1 Kolinto 16:13

Pempulini nu kukomeleka mu utailo, posyini, muye na maka.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 6:10

Mukusyalikizya, lekini maka yakwe Leza yamukomelezya.

Filipi 4:13

Klistu wampeela maka akulungatana ni miyele ili yonsi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa