Masamu 22:23 - Amazwi Yakwe Leza 2013

²³ Namavwanganga inti, “Lumbanyini Yawe, mwemuno mukamoopa. Mwamucindika, mwe luko lwakwe Yakobo. Mwamoopa, mwe ina Izlaeli mwensi.

Masamu 22:23 ပူးပေါင်းရင်းမြစ်များ

Masamu 106:5

Ungaleka indole isyuko lya asololwe yako nu kukumako uku nsansa zya mutundu wako, nu kuitanka pamwi na akwako.

Masamu 109:30

Nemo namataizyanga wakwe cimwi nu kukumilila utupundu. Icacumi namakulumbanyizizyanga umukasi ki uvi.

Masamu 111:1

Namataizyanga Yawe nu mwenzo wane onsi, mwi uvi lya ukongano wa antu yakwe.

Masamu 115:11

Mwe, mwemuno mwakwatila Yawe icoopo, mwamutaila. Pano aliwe akamwazwa nu kumuvwangila.

Masamu 115:13

Yawe amapolelelanga yayo yonsi akamoopa akama kumwi na apina.

Masamu 145:19

Wene akapeela ivikalonda akamoopa, akauvwa ukukuuta kwao nu kuyatuula.

Masamu 22:30

Amu mikulo yamu manda akwiza yalatumikila Yawe. Yene yalalanda imilandu ya Mwene ku mikulo ikwiza.

Masamu 26:12

Nene mucingililwe ku uzanzo onsi, nu mu ukongano wa antu yakwe namalumbanyanga Yawe.

Masamu 33:8

Opa Yawe, we nsi yonsi! Oopini Yawe mwe antu yonsi amu nsi!

Masamu 35:18

Namakuwanzyanga ukwi uvi likalamba, nu kukuwanzizya ukwi umba lya antu ilikalamba.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 86:12

Nemo namakulumbanyanga nu mwenzo wane onsi. We Mwene we Leza wane, namakucindikanga pee.

Ezaya 25:3

Ali cino fwandi umutundu wa maka umakulumbanyanga. Umusumba wa mitundu ikalipe umakoopanga.

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Luka 2:20

Yakacema nao yaswilila, ala yakutaizya nu kulumbanya Leza pali vyonsi vino yalanga yati yuvwa nu kulola. Cali ndi vino mungeli wayanenyile.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”