Masamu 18:45 - Amazwi Yakwe Leza 2013

⁴⁵ Awe lyene ainamasi yatiyatovoka, yakuzakaza sile apa kufuma umu misumba yao ya malinga.

Masamu 18:45 ပူးပေါင်းရင်းမြစ်များ

2 Samueli 8:2

Lyene acimvya na ina Moabu. Anena anyepwe kuti yalambalale pansi nga akoma yaili muli cila umba lya asilika yatatu. Acino aina Moabu iyateekwa na aliwe nga iyamupeela ni misonko.

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 81:16

Ningamwimula lyene uku usu wa ngano, Utonyoleke wakwe cimwi, nu kumwikusya uku uci uwamu mulunda.

Ezaya 24:4

Insi ili nu kukamilwa, nu kuumila. Insi yonsi ili nu kuumila icakuti na maka yakasililikile sile. Insi ni iyulu vili nu kuolela pamwi.

Mika 7:17

Yalaakulika mu lukungu wa nzoka, wa viumbwa vino vikasela pansi. Yalafuma mu misumba yao yamalinga ala yakuzakaza uku ntete. Yalawela ni coopo kunuli we Yawe Leza witu, nu kuvwa intete pali wewe.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Yakobo 1:11

Ilanzi likatunka nga cikaililwa caliko cikaoca cimelwa, maluwa yaciko nayo yalukuta, nga nu kuyemba kwayako kononwa. Mu musango uli onga kwene mukama lino akuomba milimo yakwe ya ulonsi, afwa.

Umbwilo 6:16

Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!