Masamu 17:14 - Amazwi Yakwe Leza 2013

¹⁴ We Yawe, ntuule uku antu yayo yano umu umi wao wa muno nsi yakwata vino yakalonda vyonsi. Yapini ucuzi wacipezya mano, uno wayateyanyizizya nu ku izikulu yao kwene!

Masamu 17:14 ပူးပေါင်းရင်းမြစ်များ

Yobo 12:6

Alino tala mulole! Aivi na antu atamanya Leza, yene yakaikalila ukwaula nu wakuyasonsomba. Fwandi yene amaka yao ali Leza wao.

Yobo 12:9

Uzye lyene mu vintu vivyo vyonsi, icani cino nemo ntamanyile ukuti Yawe aliwe uwaciumba?

Yobo 21:21

Ale lelo umuntu mwipe ndi cakuti wafwa, uzye angasakamala uli ana yakwe, nu kuyazanzya lino umi wakwe watiusila?

Yobo 22:18

Lelo kwene nanti cali vivyo, a Leza kwene uwayasambazizye ni vintu visuma vyonsi umu mang'anda yao. Kwene nemo cingampezya amano pakuzumilizya imyelenganyizizye ya antu aipe.

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 73:12

Ica cumi, vivyo ivyaya antu aipe! Yene yakwata ivyuma ivingi, ni nsita zyonsi yakazanilapo navyuze!

Mapinda 2:4

Uwavilondelela kuno vili kwati a siluva nanti icuma cimwi cino yafisa.

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

Yoane 17:14

Nayapile izwi lyako, nga na antu amu nsi yayapata, pano yasi wa antu amu nsi ndi vino nani kwene nsi wa antu amu nsi ii.

Yoane 8:23

Alino Yesu ayanena ati, “Mwemo mwafuma muno nsi, lelo nemo nafuma kwiyulu kupela. Mwemo mwemwe antu amuno nsi, nemo nsi wamuno nsi.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.