Masamu 150:5 - Amazwi Yakwe Leza 2013

⁵ Mulumbanyini umu visekese apa maka, mulumbanyini umu kulizisya visekese.

Masamu 150:5 ပူးပေါင်းရင်းမြစ်များ

2 Samueli 6:5

Davidi nawe pali pamwi na ina Izlaeli yonsi ala yakuzevya apapezile amaka yao yonsi kuti yacindike Yawe. Ala yakulizya yababatoni, na yabanjo, nu tungoma, ni minsokwe, ni viwaya.

1 Milandu 13:8

Davidi pamwi na ina Izlaeli yonsi ala yakuzevya wakwe cimwi na maka yao yonsi, ala yakwimba inyimbo muli yababatoni, na yabanjo, nu tung'oma, ni viwaya, ni ntandala.

1 Milandu 15:16

Pacisila cakwe vii, Davidi anena intunguluzi zya ina Levi ukusonta yamwi muno yali kuti yimbe inyimbo zya kuyasansamusya, mu vyakulizizyako inyimbo wakwe vii: yabanjo, yababatoni ni viwaya.

1 Milandu 15:19

Yakiimba yaya, Hemani, Asafu na Etani aliyo yalizyanga ivisekese vya mukuwa.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

1 Milandu 16:5

Asafu uwali ntunguluzi, nga Zakaliya wali wakwe ciili, nga palondelela Yeiyeli, Syemilamoti, Yeeiyeli, Matitiya, Eliabu, Benaya, Obedi Edomu na Yeiyeli. Yene alizyanga yabanjo nu tungoma. Asafu walizyanga iviwaya,

1 Milandu 25:1

Umwene Davidi pamwi na yamusika ya vita, yapaatula aina Levi yamwi amu luko lwakwe Asafu, Hemani na Yedutuni, kuti yatumikile mu mulimo wa kusema kupitila mu nyimbo nu mukulizya yababatoni, yabanjo ni viwaya. Uu, uli utantiko wakwe yayo asolwilwe kuti yatungulula mu kutumikila kuu:

1 Milandu 25:6

Ana yakwe aonsi yonsi yalizyanga iviwaya, yabanjo na yababatoni, ala yakwangalilwa ni si, apa nsita ya mapepo umu Ng'anda ikulu yakwe Yawe. Nga Asafu, Yedutuni na Hemani yalondile malamulo ya mwene.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.