Masamu 147:5 - Amazwi Yakwe Leza 2013

⁵ Umwene witu umukulu nupya uwamaka. Amano yakwe amuntapimwa.

Masamu 147:5 ပူးပေါင်းရင်းမြစ်များ

1 Milandu 16:25

Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.

Yobo 36:5

“Ukuya kwene nanti Leza uwa maka, lelo kusi umuntu nanti umwi wino akasuula.

Masamu 135:5

Namanya ukuti Yawe umukulu, ukuti Mwene witu waluta tuleza tonsi.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Masamu 48:1

Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.

Masamu 96:4

Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.

Masamu 99:2

Yawe umukulu umu Zioni, aliwe akateeka na antu ya mitundu yuze.

Ezaya 40:28

Uzye fwandi mwemo mutamanya? Uzye mwemo mutuvwapo? Ala Yawe ali Leza wa pee, aliwe waumba insi yonsi. Wene asitonta foo na maka yakwe yasicepa awe! Umuntu wene angaposiwa ukupima amano yakwe pano yapelela.

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Danieli 2:20

avwanga ati, “Lumbanyini Leza amanda pe! Wene uwamano nupya waya na maka.

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!