Masamu 147:11 - Amazwi Yakwe Leza 2013

¹¹ Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 147:11 ပူးပေါင်းရင်းမြစ်များ

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 33:22

Mwene, sangala sile ukutemwa kwako ukwa muyayaya kwalukuya sile naswe, ndi muno twatailila.

Masamu 35:27

Yonsi yaya yano yali ni nsansa apamulandu wa ulungami wane, kayumile utupundu, yavwange nu kuti, “Yawe umukulu, akazangila apakusyuka kwa muzya wakwe.”

Mapinda 11:20

Antu ya myenzo iipe yakasosya Yawe, lelo wene watemwa antu akacita ivisuma.

Mapinda 31:30

Upaale wene ukasomba sile. Ukuyemba nako kwene ukwasilesile. Lelo umwanaci wino akaoopa Yawe, aliwe alinzile ukulumbanyiziwa.

Ezaya 62:4

Antu lyene yatalatala nupya yakwame, yati, “Icikona”, nanti yati, “Impanga isuulwe.” Lelo yamakwamanga yati, “Lukundo lwane.” Impanga yako yamayamanga yati, “Utwazi usuma.” Pano lyene Yawe watazangila munuli, ni mpanga yako imafumalilwa kuli Yawe.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Mpendwa 14:8

Yawe ndi watemwa angatwingizya mu mpanga ilya nu kuipeela kunotuli. Impanga ilya ikulu nupya ivunde cuze.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.