Masamu 147:10 - Amazwi Yakwe Leza 2013

¹⁰ Wene asizangila mu maka ya mfwalasi, nanti ukusansamukila mu muntu wa lwilo.

Masamu 147:10 ပူးပေါင်းရင်းမြစ်များ

2 Samueli 1:23

“Saulo na Yonatani, yene aakuzunguka nupya akundwe. Yene yatapalukine umu mfwa numu wikazi wao kwene. Yakweti ulwilo ukuluta yalyang'anda, ni vimaka ukuluta yacisama.

Yobo 39:11

Uzye ungasintilila umu mbo pamulandu wa maka yano yakwatisya? Uzye ungaitela incito zyako izikome kuti ikuombele?

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

Mapinda 21:31

Umuntu angateyanya mfwalasi yakuya lwisizyako inkondo, lelo Yawe wenga mpo aliwe akapeela ucimvyo.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”