Masamu 145:21 - Amazwi Yakwe Leza 2013

²¹ Akanwa kane kamalumbanya Yawe, na antu yonsi kayalumbanye izina lyakwe ilya muzilo amanda pe.

Masamu 145:21 ပူးပေါင်းရင်းမြစ်များ

Masamu 103:22

Lumbanyini Yawe mwe viumbwa vyakwe vyonsi, mpanga sile yonsi mu wene wakwe. Caleka we mwenzo wane lumbanya Yawe.

Masamu 145:5

Yene yalalanda pa lulumbi nu ucindami wako, nga nemo ndaelenganya pa milimo yako yakuzunguka.

Masamu 150:6

Lekini icintu consi icikafuta calumbanya Yawe! Lumbanyini Yawe!

Masamu 30:12

Ali pakuti umwenzo wane ukulumbanye ukwaula ukutonta. Caleka we Yawe Leza wane namakuwanzyanga amanda yonsi.

Masamu 51:15

We Mwene, sapula imilomo yane, na kanwa kane kamatakolonga umuncinzi wako.

Masamu 65:2

Pano wemo ukauvwa amapepo, antu yonsi yamaizanga kuli wewe.

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Masamu 71:15

Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.

Masamu 71:8

Nemo nkakulumbanya umusanya onsi, nu kulumbilizya ucindami wako.

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Masamu 89:1

Namaimbilanga ukutemwa kwakwe Yawe pee na pee, ni izwi lyane limapundanga ukutailwa kwako uku nkulo zyonsi.