Masamu 145:17 - Amazwi Yakwe Leza 2013

¹⁷ Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 145:17 ပူးပေါင်းရင်းမြစ်များ

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

2 Samueli 22:31

Si lolini vino ivicitwa vyakwe Leza wii vyafumaluka, na vino amazwi yakwe akutailwa! Wene akoline wa cisyangu, kuli yao yonsi akalonda ukucingililwa na aliwe.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Yobo 34:12

Cumi kwene, Leza ataya nu lufyengo, awe. Wamaka yonsi atange afyenge umuntu, umu uputuzi wakwe nanti panono.

Masamu 103:6

Yawe akavwangila kweneko yano yafyenga nu kuyapela insambu.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 116:5

Yawe waya ni nkumbu nupya umusuma, ala Leza witu waya nu luse wakwe cimwi.

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Masamu 89:14

Uololoke nu ulungi wako ali mufula wa wene wako. Ukalanga ukutemwa nu ufumacumi wako muli vyonsi vino ukacita.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”