Masamu 145:10 - Amazwi Yakwe Leza 2013

¹⁰ We Yawe, iviumbwa vyako vyonsi vilakulumbanya, na yayo akufukilila yalakutaizya.

Masamu 145:10 ပူးပေါင်းရင်းမြစ်များ

Masamu 103:22

Lumbanyini Yawe mwe viumbwa vyakwe vyonsi, mpanga sile yonsi mu wene wakwe. Caleka we mwenzo wane lumbanya Yawe.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Masamu 149:5

Ka antu yakwe Leza yazange mu ucimvyo uu, yaimbila nu tupundu usiku onsi.

Masamu 19:1

Amayulu yakalanda apa lulumbi lwakwe Leza, Ulwelele lukaalazya apa lwalala vicitwa vya minwe yakwe!

Masamu 22:23

Namavwanganga inti, “Lumbanyini Yawe, mwemuno mukamoopa. Mwamucindika, mwe luko lwakwe Yakobo. Mwamoopa, mwe ina Izlaeli mwensi.

Masamu 30:4

Lumbanyini Yawe umu nyimbo, mwe muno mwamutemwa. Iusini ivicitwa vyakwe wiyo Uwamuzilo, nu kumutaizya.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Masamu 57:9

Namakutaizyanga uku mitundu ya antu, we Mwene! Namakulumbanyanga uku inamasi yonsi!

Masamu 68:26

“Lumbanyani Leza mwe maumba ya antu mwe muno mwatimwiza mukongana. Lumbanyini Yawe, mwe muno mwatuntuka kuli Izlaeli!”

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Masamu 97:12

Mwe antu mwemuno mukacita vyaololoke, zangini muli Yawe, lumbanyini ni nsansa ukucindama kwakwe.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.