Masamu 136:11 - Amazwi Yakwe Leza 2013

¹¹ Wafumizye aina Izlaeli umu Eguputo, pano luse lwakwe ulwa pe na pee,

Masamu 136:11 ပူးပေါင်းရင်းမြစ်များ

Masamu 105:37

Ali pakufumya aina Izlaeli mwenemo, yasenda siluva na zaabu. Musi nati wenga uwasile nupya yali akome ndi auumi.

Masamu 78:52

Nga alino Leza wafumizye antu yakwe wakwe kacema nga ayatungulula nu kuyapisya ulumi umu lwanga.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 12:42

Mu usiku wa wanda kwene ulya alino Yawe wacesizye nu kuyatungulula pa kuyafumya mu Eguputo. Acino usiku wa wanda uu Yawe waipaatwila ku nkulo zyonsi. Usiku wa wanda uu aina Izlaeli yonsi yakacesya pa kucindika Yawe.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:17

Lino Falao wazumilizya aina Izlaeli kuti yapite, Leza atayazumilizye kuti yapite ku museo uwapita ku nkumba yakwe yemba, uno waya ku mpanga ya Filisti nanti angala wali umuseo uwipi. Leza aelenganya kuti, “Anisi yao ndi yayazanza, antu yaa yangasenula amano nu kuswilila ku Eguputo.”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.