Masamu 132:12 - Amazwi Yakwe Leza 2013

¹² Ndi cakuti ana yako aonsi yaca yamasunga upangano wane nu kuwaka amasunde yano nayasambilizya, ale lyene ana yako aonsi yalaya impyanyi zyako umuyayaya.”

Masamu 132:12 ပူးပေါင်းရင်းမြစ်များ

1 Yamwene 2:4

Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

1 Yamwene 8:25

Nga lelo we Yawe, Leza wa ina Izlaeli, nakupapata walukusunga amalayo yako yano walavile tata Davidi, uti, ‘Lyonsi sile ana yako aliyo yalaya aene amu Izlaeli. Cikulu sile yalondela ivisuma ndi vino wemo ukacita pa manso yane.’

2 Milandu 7:18

ale lyene ndasunga ulayo uno nalavile so Davidi icakuti wewe na ana yako mumateekanga aina Izlaeli imyaka yonsi.

Masamu 102:28

Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 115:14

Yawe angala amupeelesya ikwata, mwemwe kwene kumwi na ana kuvyalwa inu.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.