Masamu 129:5 - Amazwi Yakwe Leza 2013

⁵ Yayo yonsi yano yapata Zioni insonyi kaziyaleme nu kusunkilwa uku cisila.

Masamu 129:5 ပူးပေါင်းရင်းမြစ်များ

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Esita 6:13

Atandika nu kunena umuci Zelesyi na yacuza yakwe yonsi, vyonsi ivyali vyamucitikila. Zelesyi umuci wakwe pamwi na yacuza yakwe yonsi amano iyamunena iyati, “Wemo watandika ukucimba kuli Modekai. Wene u Muyuda inkonko, nga wemo uli nu kumufilililwa sile. Wemo ale casila, wasenda iyatepa!”

Esita 9:5

Acino lyene Ayuda yaicitilanga icili consi cino yatemwa ukucita uku anisi yao. Yayazanzanga ni vyanzo vyao nu kuyakomola.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Masamu 40:15

Uleke yao akumpundilila yati, “Owe! Owe,” amano yao yayapele apakulola ukuti yacimviwa.

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Ezaya 10:12

Lelo Yawe akuti, “Nemo ndamalilila vino nkucitila Mwamba wa Zioni nu mu Yelusalemu, nemo ndavunuka mwene waku Asilya, apa cilumba cakwe nu kuyuvwa kwakwe.

Ezaya 29:8

Antu amitundu yonsi yano yakakongana uku kwiza wililila umusumba wa Yelusalemu, yalaya wa muntu wino aizi utulo, pamulandu wa kuongoka ni nzala. Alino umu tulo kwene watandika ukulota kwati wasya icakulya. Lelo lino wiza wazyuka umu tulo, watandika ukuvwa ukuti acili akuuvwa inzala. Nanti wa muntu wiya wino akulonda ukufwa ku lusala. Alino umu tulo kwene alota akumwa amanzi. Lino wiza wasantamuka, nupya atandika ukuvwa uku mwenzo kucili kwatikulangoka, kuuma pamulandu wa lusala.

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Mika 4:11

Lelo ndakai antu amu nko zivule yatiyakongana kuti yize yamuzanze. Yene yakuti, “Tuini tonone Yelusalemu, mpaka tulole ukuti waya wa citalang'anda!”

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!