Masamu 126:6 - Amazwi Yakwe Leza 2013

⁶ Umuntu wino akupita ala akulila minsonzi, asenzile imbezu zyakukomela, wene alawela kumwao ala akwimbila nu luzango, ala asenzile ni mise ya uzombozi.

Masamu 126:6 ပူးပေါင်းရင်းမြစ်များ

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 30:6

Nga lino nali ni syuko, navwanzile nati, “Ntalatala nje ni ntete!”

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.