Masamu 120:5 - Amazwi Yakwe Leza 2013

⁵ Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

Masamu 120:5 ပူးပေါင်းရင်းမြစ်များ

Utandiko 10:2

Ana yakwe Yafeti aonsi a Gomeli, Magogi, Madai, Yavani, Tubali, Mesyeki na Tilasi.

Utandiko 25:13

Yaa ali mazina ya ana yakwe Isumeli aonsi mu kulondenkana kwao: Nebayoti wali iyeli lyakwe Isumeli, nga a Kedali, Adibeeli, Mibisamu,

Lwimbo lwakwe Solomoni 1:5

Mwe anaci amu Yelusalemu, endi nanti nemo nafita, lelo nene muyembe. Nemo nafita wa mataalu aku Kedali, lelo nayemba wa nsalu zyakucingilikizya zyamu ng'anda yakwe Solomoni.

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Ezekelo 27:13

Waculuzyanga mu Gilisi, nu mpanga ya Tubali, nu mu mpanga ya Mesyeki nga nu mu vyuma vyako walonkelangamo ivintu vya mukuwa.

Ezekelo 27:21

Aina Alabya ni ntunguluzi zyaku Kedali zyonsi, nayo kwene yaculuzyanyanga nawe, yakulipilanga utwana twa mfwele, yasuuku nga na yasawe.

Ezekelo 39:1

Fwandi we mwana wa muntu, sesemela Gogi uti, Yawe Simwandalali wa vwanga wati, “Namakwalukila we Gogi, we ntunguluzi yaku Mesyeki na Tubali.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

1 Samueli 25:1

Samueli afwa, nga aina Izlaeli yonsi iyakongana ku kumulosya. Yamuzisile apakwe kwene ku Lama. Alino Davidi atentemukila ku lwanga lwa Maoni. Pacisila cakwe vii, Davidi atentemukila ku Lwanga lwa Palani.