Masamu 119:89 - Amazwi Yakwe Leza 2013

⁸⁹ We Yawe, izwi lyako lilayelelela pee, ilya muyayaya umwiyulu.

Masamu 119:89 ပူးပေါင်းရင်းမြစ်များ

Masamu 111:7

Umwene waya uwacumi nupya uwa ulungi muli vyonsi vino akacita. Amasunde yakwe yonsi yaya sile ningo.

Masamu 111:8

Yaya amuyayaya, yapilwe umu ulungami nupya acumi.

Masamu 119:152

Kufuma uku mpiti nasambilila kunuli amasambilizyo yako ukuti awewe wayapanzile kuti yikalilile pe na pee.

Masamu 119:160

Amazwi yako yonsi acumi, nu upinguzi wako onsi uwa ulungi pe na pee!

Masamu 89:2

Namalandanga ukuti ukutemwa kwako ukwa muntaputuka nu kuti ukwakwikalilila umuyayaya, nu kutailwa kwako kwasimpa sika wi yulu.

Ezaya 40:8

Isote likauma, na maluwa yakafoota, lelo amazwi yakwe Leza witu yakaikalilila amanda pe.”

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

1 Petulo 1:25

lelo mazwi ya Mwene yene yakaikalilila manda pe. Mazwi yaa lili Landwe Lisuma lino lyakosozilwe kunomuli.

2 Petulo 3:13

Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.