Masamu 119:50 - Amazwi Yakwe Leza 2013

⁵⁰ Nu mu ucuzi wane kwene natekeziwanga, pano ulayo wako wampile umi

Masamu 119:50 ပူးပေါင်းရင်းမြစ်များ

Masamu 119:25

Umwenzo wane walematila uku lukungu. Kanzula umwenzo wane ndi muno wavwangile.

Masamu 119:38

Fikilizya ulayo wako kunondi ne muzya wako, ulayo kwene uno walaya kuli yao akakuyela.

Masamu 119:41

We Yawe undangizye vino wantemwa, umpususye ndi muno walaila.

Masamu 119:92

Iciya cakuti amasunde yako yasi akunzanzya, ngano nafwa mpiti uku macuzi yane.

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

Masamu 27:13

Ukuya kwene nemo nazumila ukuti ndikala pano nsi, mpaka sile ince ndole usuma wako we Yawe.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 42:8

Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.

Masamu 94:19

Amizu yane nanti yangamvulila uli, wemo ukantekezya nu kunsansamusya.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Ezekelo 37:10

Fwandi nani ali pakusesema ndimuno nenilwemo. Awe nu mupu wingila umu vyala, na antu yazyuka, yakatuka, imilila nu kwimilila. Nalyo lyali iumba ilikulu, pasi paukulu.

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.