Masamu 119:36 - Amazwi Yakwe Leza 2013

³⁶ Umpeele umwenzo uwakulondesya ukuyela amasunde yako ukuluta ukuya umukama.

Masamu 119:36 ပူးပေါင်းရင်းမြစ်များ

1 Yamwene 8:58

Nupya uleke ukuti twakutontela, apakuti twaikala ndi muno wemwisikulu ukalondela, twasunga na masunde yako yonsi ni vyeo vyako vino wapile ivikolwe vitu.

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Habakuku 2:9

“Kalanda ku antu yano yakalonkela umu kwiila auze pakuti alio yacingilile uwikalo wao, nu kuleuka uzanzo nu ucuzi pa mili yao.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Efeso 5:3

Mwemwe antu yakwe Leza. Acino ulenzyo nanti vya winyi nanti lwiswa vitatakwa munomuli.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.