Masamu 119:176 - Amazwi Yakwe Leza 2013

¹⁷⁶ Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Masamu 119:176 ပူးပေါင်းရင်းမြစ်များ

Masamu 119:16

Ivyeo vyako vikasansamusya, insiilila amazwi yako.

Masamu 119:61

Antu aipe yatiyanteya inkose konsi konsi, lelo amasunde yako ntange nilile, awe.

Masamu 119:93

Ntalatala nilile amasambilizyo yako, pano ali muno wansungila kuti inje umumi.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 50:6

“Antu yane yali wa mfwele ziponge, yakacema yao ali yano yayaponzizye. Yayasile yakuzeuluka mu mpanga, yakululumba ukufuma ku mwamba uu yaya ku mulundu uze. Yasuka yaponga ni kola lyao lyampomvu.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 34:6

Uli mulandu kwene uno ufyo wane ukalulumba sile mpanga yonsi, mu myamba na pa twamba tusanzame. Ali cino zyasansantike mpanga yonsi, ukwaula nanti wenga uwakuti azisakamale nanti kwezya kuzilonda.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Mateo 10:6

Lelo mutale muye ku ina Izlaeli, yao ali wa mfwele ziponge.

Mateo 15:24

Lelo wene avwanga ati, “Natumwa sile ku ina Izlaeli, yao ali wa mfwele ziponge.”

Luka 19:10

“Mwana wa Muntu wizile kuti alonde nu kutuula aponge.”

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.