Masamu 119:174 - Amazwi Yakwe Leza 2013

¹⁷⁴ Silola vino nkulukisya ufyusi wako, we Yawe! Nkazana uluzango umu masunde yako.

Masamu 119:174 ပူးပေါင်းရင်းမြစ်များ

Utandiko 49:18

“We Yawe, nkalolela ufyusi wako.

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

Masamu 1:2

Lelo wene akazangila mu kuyela amazwi yakwe Yawe, nu kuyelenganya usiku nu musanya.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:16

Ivyeo vyako vikasansamusya, insiilila amazwi yako.

Masamu 119:162

Nemo indi nu luzango apamulandu na malayo yako. Nene muzange wa muntu umwi uwazana icuma icivule.

Masamu 119:24

Vyeo vyako vikansansamusya, vili vino vikampanzya amano.

Masamu 119:41

We Yawe undangizye vino wantemwa, umpususye ndi muno walaila.

Masamu 119:47

Ninzana uluzango umu masunde yako, yano natintemwa wakwe cimwi.

Masamu 119:77

Ndole luse luse nga nje nu umi, pano amalamulo yako yakanzanzya.

Masamu 119:81

Umi wane wati uongoka apakulonda ukuluzi wako, lelo nemo nkapaalila umu ulayo wako.

Mapinda 13:12

Icintu cakulolelela ndi cakana ukufikiliziwa cene cikawavya umwenzo, lelo icintu cakulondelezya ndi cafikiliziwa caya wa muti uno ukapeela umi.

Lwimbo lwakwe Solomoni 5:8

Mwe anaci amu Yelusalemu, ndi mwalola mukundwe wane, napapata mumunene ukuti nemo natintemboka sile ku kumuluka.

Filipi 1:23

Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.