Masamu 119:163 - Amazwi Yakwe Leza 2013

¹⁶³ Napata nu kusoka intumpu, lelo natemwa amasunde yako.

Masamu 119:163 ပူးပေါင်းရင်းမြစ်များ

Masamu 101:7

Umuntu akacita ucenjezi asi wakwikala ukwane foo, nu waufi nawe ntalamulonda pano.

Masamu 119:104

Inkalonka amano ukufuma uku masunde yako, ali cino fwandi napata ni misango iipe yonsi.

Masamu 119:113

Napata yayo andimi ziili kunuli, lelo natemwa amasunde inu.

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Masamu 119:29

Umfuntusye ku nzila zya ntumpu, lelo uku usuma wako unsambilizye amasunde yako.

Masamu 119:47

Ninzana uluzango umu masunde yako, yano natintemwa wakwe cimwi.

Mapinda 13:5

Uwatemwa Leza wapata ufi, lelo ivicitwa vyakwe kaifya ivyawinyi ni nsonyi.

Mapinda 30:8

Utaleka nje uwantumpu kunuli, lelo funtusya ucenjezi onsi kunondi. Nupya utaleka nje umupina nanti umukama. Fwandi uwampelako sile icakulya icilingine,

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.