Masamu 119:153 - Amazwi Yakwe Leza 2013

¹⁵³ Lolekesya apa kucula kwane, nga untuule pano nemo ntiilila amasunde yako.

Masamu 119:153 ပူးပေါင်းရင်းမြစ်များ

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Masamu 119:109

Umi wane uli mu minwe yako amanda onsi, Acino ntange ntale nilile amasunde yako.

Masamu 119:141

Nanti angala nacepa sana nu kusuulwa, lelo nsitala nilila amasambilizyo yako.

Masamu 119:159

Silola vino natemwa usambilizyo wako, We Yawe, uwake umi wane ukulingana nu kutemwa kwako.

Masamu 119:16

Ivyeo vyako vikasansamusya, insiilila amazwi yako.

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Masamu 119:98

Isunde lyako lyaya nane insita yonsi nupya likaleka injeleko na mano ukuluta anisi yane.

Masamu 25:19

Silola vino anisi yane yatiyavula, na vino yansokela wakwe cimwi!

Masamu 9:13

Ndola luse luse, we Yawe! Lola ucuzi uno anisi yane yamponyezya. Awewe sile ungampususya ku mfwa, we Yawe,

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Nyimbo zya ndosya 5:1

We Yawe, uwaiusya ivyatucitikile. Lolekesya, ngulole ukucula kwitu.