Masamu 119:132 - Amazwi Yakwe Leza 2013

¹³² Futatukila kunondi, nu kundola luse luse, ndi vino ukacita kuli yonsi yao akutemwa.

Masamu 119:132 ပူးပေါင်းရင်းမြစ်များ

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 119:124

Ucitile umuzya wako, ukulingana nu kutemwa kwako, nupya unsambilizye amalamulo yako.

Masamu 25:16

Senukila kunondi, we Yawe, uye na mizu kunondi pano nazukilwa nupya natintemboka.

Masamu 25:18

Elenganya apa ntazi nu kucula kwane, nu kwelela amaifyo yane yonsi.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”