Masamu 115:14 - Amazwi Yakwe Leza 2013

¹⁴ Yawe angala amupeelesya ikwata, mwemwe kwene kumwi na ana kuvyalwa inu.

Masamu 115:14 ပူးပေါင်းရင်းမြစ်များ

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

2 Samueli 24:3

Lelo Yoabu aasuka umwene ati, “We mwene wakwisaci, si Yawe asandulule antu aina Izlaeli amaila umwanda ukuluta vino yaya. Nawe uye nu umi usuke ukailolele vino cili. Lelo pacani cino we mwene wakwisaci ukasi ukucita icintu cii?”

Ezaya 27:6

Mu wanda ulya aina Izlaeli ana yakwe Yakobo yace yazyansye wa misisi ya miti. Yene yalakula ningo, yalawalula nu kulemba ningo. Insi yonsi ilalimba iviseekwa vya micitile yao isuma.

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Yelemiya 30:19

Ali muno mulaafuma inyimbo zyakulumbanya nu kupunda kwa nsansa. Ndayavuzya yatalatala yacepe foo. Ndayacindamika yatalasulwa foo.

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Zakaliya 10:8

“Ndayaamila antu yane mu miluvi, nupya ndayakonganika pamwi, pano anene ndayakulula nu kuyasandulula ndi vino yali apa mpiti.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Milimo 3:25

Malayo yakwe Leza ukupitila muli yakasema yakwe yene akwe mwemwe, nga namwe mwemwe mpyanyi zya upangano uno Leza wapangine ni vikolwe vinu. Wakwe vino wanenyile Abulaamu ati, ‘Mu mupanda wako amuno inko zyonsi zilapolelelwa.’

Malango 1:11

Si Yawe, Leza wa vikolwe vinu, aleke muvulileko amaila izimbi nu kumipolelela wakwe vino walavile!

Umbwilo 7:4

Lyene nuvwile ukuti impendwa yakwe yao yano ikilwe cimanyililo cakwe Leza yali mazimbi mwanda onga na makumi yani na yani. Yene yafumile mu mitundu yonsi ya ina Izlaeli.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.