Masamu 113:7 - Amazwi Yakwe Leza 2013

⁷ Aliwe akakatusya umulanda apa citumba nu kutumpula umucuzi umu vikona,

Masamu 113:7 ပူးပေါင်းရင်းမြစ်များ

1 Yamwene 16:2

“Wemo utaali cimwi foo, nga nakucindamike kuti uye intunguluzi ya antu yane aku Izlaeli. Lelo walondelela imisango yakwe Yeloboamu nu kulenga antu yane aina Izlaeli ukwifya, nu kuti yandenge ukusoka pamulandu wa maifyo yao.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Yobo 5:11

Wene akatumpula yayo aicefya, nu kusansamusya yayo akulilizika.

Masamu 107:41

Alanda yene ayafumya umu ulanda wao, asandulula ni nko zyao kwati amaufyo ya viteekwa.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Samueli 24:14

Si lolini cino umwene wa ina Izlaeli akwezyanya ukukoma! Si lolini cino wene akuzinganya! Simbwa umufwe! Akalupantila!