Masamu 113:5 - Amazwi Yakwe Leza 2013

⁵ Uzye aweni angalingana na Yawe Leza witu, wiyo uwikala apatumpuke apapela,

Masamu 113:5 ပူးပေါင်းရင်းမြစ်များ

Masamu 103:19

Yawe wasimpa icilimba cakwe umwiyulu nga aliwe akateeka vyonsi mu wene wakwe.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Masamu 89:6

Uzye aweni umu lwelele wino angakolana nawe we Yawe? Uzye aweni umwiyulu angaya wakwe wewe?

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 89:8

We Yawe Leza Wamaka yonsi, uzye aweni uwaya na maka wakwe wewe, wemuno watailwa muli vyonsi?

Masamu 89:9

Awewe ukatonsya yemba nga watumbalala, awewe ukamyalalika amaimbi yakwe.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Ezaya 40:18

Aweni fwandi wino tungakolanyako Leza? Aweni uwamukolako icata?

Ezaya 40:25

Wamuzilo wilya akuti, “Uzye aweni fwandi wino mungakolanyako kuli nene? Uzye kwaya namuze angalingana nani?”

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.