Masamu 111:6 - Amazwi Yakwe Leza 2013

⁶ Antu yakwe, wayalanga vino amaka yakwe yaya, apakuyapeela impanga iyali iya antu yauze.

Masamu 111:6 ပူးပေါင်းရင်းမြစ်များ

Masamu 103:7

Wanenanga Mose vyonsi vino angacita, nu kuleka aina Izlaeli yailolele ivicitwa vya maka yakwe.

Masamu 145:12

Apakuti ali wensi akamanya imilimo yako iyalulumbi nga nu lulumbi lwa ucindami wa wene wako.

Masamu 2:8

Undenge, nga nani namakupeela inko zyonsi. Insi yonsi pano yapelela imaya iyakwako.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Masamu 80:8

Awewe walemwile umutingi umu Eguputo wiza wazinga imitundu umu mpanga yao, amuno wiza waulema.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.