Masamu 111:1 - Amazwi Yakwe Leza 2013

¹ Namataizyanga Yawe nu mwenzo wane onsi, mwi uvi lya ukongano wa antu yakwe.

Masamu 111:1 ပူးပေါင်းရင်းမြစ်များ

Masamu 103:1

We mwenzo wane lumbanya Yawe! Nani kwene wensi kandumbanye izina lyakwe ilyamuzilo.

Masamu 106:1

Lumbanyini Yawe. Taizini Yawe, pano wene umusuma. Ukutemwa kwakwe ukwa manda pe.

Masamu 106:48

Lumbanyini Yawe, Leza wa ina Izlaeli. Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene!” Lumbanyini Yawe.

Masamu 107:32

Fwandi yafwile yalazya ululumbi lwakwe Yawe ukwi uvi mu kumulumbilizya ukwi tengo lya makombe.

Masamu 108:3

Namakutaizyanga uku mitundu ya antu, we Yawe! Namakulumbanyanga uku inamasi yonsi.

Masamu 109:30

Nemo namataizyanga wakwe cimwi nu kukumilila utupundu. Icacumi namakulumbanyizizyanga umukasi ki uvi.

Masamu 138:1

Nakutaizya we Yawe nu mwenzo wane onsi. Nkukwimbila pa manso ya angeli.

Masamu 149:1

Lumbanyini Yawe! Imbilini Yawe ulwimbo lupya! Mulumbanyini mu ukongano wa antu yakwe acumi!

Masamu 22:23

Namavwanganga inti, “Lumbanyini Yawe, mwemuno mukamoopa. Mwamucindika, mwe luko lwakwe Yakobo. Mwamoopa, mwe ina Izlaeli mwensi.

Masamu 22:25

Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.

Masamu 35:18

Namakuwanzyanga ukwi uvi likalamba, nu kukuwanzizya ukwi umba lya antu ilikalamba.

Masamu 89:5

Amwiyulu yakalumbanya ivizungusyo vyako, we Yawe, yene yakalumbanya na ucumi wako, umu ukongano wakwe yayo amuzilo.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 9:1

Namakutaizya we Yawe, nu mwenzo wane onsi, namataka ni vicitwa vino wacita ivyakuzunguka.