Masamu 107:33 - Amazwi Yakwe Leza 2013

³³ Aliwe akakamya inguzi izyuma solokoto. Akamya nu tufukoka twa manzi kwene.

Masamu 107:33 ပူးပေါင်းရင်းမြစ်များ

1 Yamwene 18:5

Walanga Aabu watanena Obadiya ati, “Leka tuce tupite ku tufukoka twa manzi nu ku manyika, kuti tukalengule ukungaya umulemvwe wakulya imfwalasi ni nyumbu zitu kuti zitafwa uku nzala.”

Masamu 74:15

Awewe watulwile tufukoka nu tunguzi kuti vyakonkoloka. Awewe wumike ni nguzi izikalamba izisitala zipwa.

Ezaya 42:15

Nemo ndonona imyamba nu twamba. Ndumika isote ni miti yonsi yaya penepo. Ndasangula inguzi kuti ziye amanyika. Ndakamya ivifula vya manzi.

Ezaya 44:27

Nene nkakamya yemba mukalamba, nga namunena kuti akame. Nkakamya ni nguzi iziitamo.’

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Ezekelo 30:12

Ndakamya uluzi lwa Nailo nu kukazya impanga ya Eguputo ku antu aipe. Ndaomvya ainamasi apa konona impanga ilya kumwi na vyonsi ivyaya mwenemo. Ne Yawe natindanda.”

Yowelo 1:20

Ni nyama zya mpanga kwene zikukulilila, pano amanzi yatiyapwa mu nguzi zyonsi.

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Zefaniya 2:13

Yawe alaomvya amaka yakwe ku katutu nu konona impanga ya Asilya. Umusumba wa Ninive alaucita wa citalang'anda nupya ulaya uumalale wa lwanga.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”