Masamu 107:32 - Amazwi Yakwe Leza 2013

³² Fwandi yafwile yalazya ululumbi lwakwe Yawe ukwi uvi mu kumulumbilizya ukwi tengo lya makombe.

Masamu 107:32 ပူးပေါင်းရင်းမြစ်များ

Masamu 111:1

Namataizyanga Yawe nu mwenzo wane onsi, mwi uvi lya ukongano wa antu yakwe.

Masamu 119:46

Indataka amasunde yako kuli yamwene, ni nsonyi ntaluvwa foo.

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Masamu 22:25

Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.

Masamu 26:12

Nene mucingililwe ku uzanzo onsi, nu mu ukongano wa antu yakwe namalumbanyanga Yawe.

Masamu 35:18

Namakuwanzyanga ukwi uvi likalamba, nu kukuwanzizya ukwi umba lya antu ilikalamba.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Masamu 99:5

Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Ezaya 12:4

Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.