Masamu 107:27 - Amazwi Yakwe Leza 2013

²⁷ Antu iyatalatanta nu kuzakaza, ungati akolesi, ni vyakucita iviyaula.

Masamu 107:27 ပူးပေါင်းရင်းမြစ်များ

Yobo 12:25

Aleka nu kuti yalukupulupunta umu kanda umwaula uluswepo, cakuti iyalukutalawanta wa antu ati yakoleka.”

Yobo 37:20

Nemo nsyakunena Leza ukuti leka nalukuvwanga! Awe mukwai pano limwi ningazana ukuti yangonona.

Ezaya 19:14

Yawe aliwe walenga ukuti zyapanda antu yauze amano yacimvundawila. Uli mulandu kwene uno walenga nu kuti aina Eguputo yapumeka muli vyonsi vino yakacita. Icalenga nu kuti Eguputo apempezyoka ungati umuntu uwatakoleka waini.

Ezaya 19:3

Nemo namaya ku kuvulunganya aina Eguputo, nu kuyatovola. Lyene yamauzyanga utuluwi twao pakuti tuyazwilizye. Yamauzyanga yakasapoola, nu kwezya ukupandwa amano uku mipasi ya afwe.

Ezaya 24:20

Insi yonsi imapempezyokanga ungati umuntu wilya, wino watakoleka waini. Imasunkananga ungati akamusakuta kano icipunga cikupunganya. Insi yonsi yatiyinamila sile apa nsi pamulandu nu uyi wakwe iliyo, imaifwanta sile pansi icinzamba, icakuti nu kukatuka italatala ikatuke foo. Akasita kamwi kamafikila lino Yawe amapezya.

Ezaya 29:9

Ele mwandi mupwalale! Mwalukupafula! Mwakoleka sile! Nanti angala mutamwile waini wa matingi! Pempezyokangini nanti mutamwile waini umulume!