Masamu 107:12 - Amazwi Yakwe Leza 2013

¹² Caleka watonsizye imyenzo yao uku milimo ikome, yaponanga pansi, nga kutali nu wakuyazwa.

Masamu 107:12 ပူးပေါင်းရင်းမြစ်များ

2 Yamwene 14:26

Yawe Leza waweni vino aina Izlaeli yaculanga. Nupya kutali nanti wenga uwakuyatuula foo.

2 Yamwene 6:33

Lino Elisya acili akulanda nayo, inkombe itentemuka yiza kunoli. Alino umwene avwanga ati, “Yawe uwatatuponyezya intazi zii. Uzye pacani cino ningatwalilila ukulolela Yawe kuti acite cimwi?”

Neemiya 9:37

Ivikufuma umu mpanga itu kwene vyene vikuya kuli yamwene yano lyene watupeela kuti yatuteeka pamulandu wa kwifya kwitu. Lyene yakuicitila consi cino yatemwa apa mili itu napa viteekwa vitu. Iye mwe! Ala tucule!”

Yobo 9:13

Ukali wakwe Leza usiwelela icisila. Mulole sile vino wononyile anisi yaya yano yavwananga na Laabu, icilyanyi iciipe capali yemba cici.

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

Masamu 22:11

Utafuntuka kunondi! Ala intazi ili umupipi, nga pasi nanti umwi uwakungavwa.

Kufuma 2:23

Lino papita imyaka ivule, umwene wilya waku Eguputo afwa. Lelo aina Izlaeli ala yacili yakucula mu uzya, nga inkuta yao yuvwika kuli Leza.

Ezaya 51:23

Namaleka yano yakamucuzya ayano lyene yacule. Pano alio kwene ayano yamulambalikanga mu miseo, nu kumulyatola kwati mwemwe vikona.”

Ezaya 52:5

Lelo api lelo mu Babiloni namo ululi lumwi kwene, mwikala mu uzya ukwaula umulandu uno mwatala. Yano yamuteeka uzya pasi pakuyuvwa nu kuiwanzya. Lyene nani kwene pasi pakunsuula insita zyonsi. Kuu kuli kulanda kwakwe Yawe

Ezaya 63:5

Nali nkucelecensya pakuti limwi ningalola penepo uwakungazwa. Lelo kutali kuloleke nanti wenga. Nani lyene pasi pakuzunguka. Nga icipyu alino cali candema, nasuka nacimvya sile nenga mpo.

Yakapingula 16:21

Lyene aina Filisti iyamulema iyamutonkola amanso nga iyamusenda iyatentemukila ku Gaza. Kuli kuno iyaya iyamunyepa mu minyololo iili iyamukuwa, nga iyainyepelela kwiwe lyakusila umu ng'anda yaminyololo amuno aasya.

Yakapingula 16:30

nga avwanga ati, “Kamfwile pamwi na ina Filisti!” Lyene azitensya na maka yakwe yonsi nga ing'anda ilya ikulu pali pakuponela intunguluzi zizi na antu yonsi ali mwenemo. Avino Samusoni wakomile antu avule pa mfwa yakwe ukuluta yano wakomile lino wali umumi.