Masamu 107:1 - Amazwi Yakwe Leza 2013

¹ Taizini Yawe, pano wene umusuma. Ukutemwa kwakwe ukwa manda pe.

Masamu 107:1 ပူးပေါင်းရင်းမြစ်များ

1 Milandu 16:34

Taizini Yawe, pano wene umusuma. Ukutemwa kwakwe ukwa manda pe.

1 Milandu 16:41

Antu yayo yali pamwi na Hemani na Yedutuni, na asyala yonsi yano yasolwilwe nu kwamilwa ku mazina, kuti yalumbanya Yawe, pamulandu wakuti ukutemwa kwakwe ukwa manda pe.

2 Milandu 20:21

Lino yatandika ukuuzyanya pakasi kao, alino yasozile yamwi akwimbila nu kulumbanya Yawe, yene ala yatiyazwala ivitiswe, na yakatungulula ala yakuvwanga yati, “Lumbanyini Yawe, pano ulukundo lwakwe lusisila, lelo ulwa manda pe.”

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

2 Milandu 7:3

Apakulola icintu cico ica moto uwati upona ukufuma ukwiyulu, nu ucindami wa luswepo lwakwe Yawe, aina Izlaeli yonsi iyakontama suka ivinso vyao vifika na pansi apa ntampulo zya ukwelelo, nu kupepa ala yakutasya Yawe, yati, “Endi Yawe umusuma pasi pano ukutemwa kwakwe kusisila, lelo kukatwalilila umuyayaya.”

2 Milandu 7:6

Yasimapepo yimilila umu ncende zino yapilwe ukwimilila mwenemo. Aina Levi ala nayo yatiyalolenkanya amanso na kuko ala yakulizya nu kulumbanya Yawe umu vyakulizizyako inyimbo vino Davidi wasile. Vivi kwene vino waomvyanga apa kwimbila Yawe umu lwimbo ala akuti “Ukutemwa kwakwe kusisila, lelo ukwamuyayaya.” Yasimapepo ala yimilile umu mbalimbali zyao yakulizya intandala. Aina Izlaeli asyala yonsi nayo kwene ala yatiyimilila.

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Masamu 105:1

Taizini Yawe, salanganyini ululumbi lwakwe mumanyisye na inamasi ivicitwa vyakwe!

Masamu 106:1

Lumbanyini Yawe. Taizini Yawe, pano wene umusuma. Ukutemwa kwakwe ukwa manda pe.

Masamu 118:1

Taizini Yawe, pano wene umusuma. Ukutemwa kwakwe ukwa manda pe.

Masamu 119:68

Iye mwe vino wazipa, vino waya nu luse! Nsambilizye amasunde yako.

Mateo 19:17

“Yesu nawe amwaasuka ati, ‘Uzye pacani wanguzya pamulandu ni cisuma? Leza, wenga sile aliwe umusuma. Lelo ndu kasi kuti Leza akupeele umi wape, wayela masunde yakwe.’

Luka 1:50

Kufuma ku nkulo yonga kufika ku yuze akalanga mizu kuli yano akamucindika.