Masamu 106:8 - Amazwi Yakwe Leza 2013

⁸ Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Masamu 106:8 ပူးပေါင်းရင်းမြစ်များ

Masamu 111:6

Antu yakwe, wayalanga vino amaka yakwe yaya, apakuyapeela impanga iyali iya antu yauze.

Masamu 143:11

Unsungilile nje umumi, we Yawe apamulandu ni zina lyako sile. We mololoke, upususye umwenzo wane ku malanda.

Masamu 23:3

Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Kufuma 18:8

Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 48:9

“Apakuti antu yace yandumbanya, namatala imfusye ukali wane. Namafukilila nu kumulovya ntalamulovya.

Yelemiya 14:21

Si ungala wiusye vino watulaya, utatusuula foo. Utazewanya umusumba wa Yelusalemu, umwaya icilimba cako ca wene calulumbi. Utonona upangano wako uno wapangana naswe.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Ezekelo 20:22

Lelo nupya kwene nasuzile sile, pano nga nailetile sile insonyi ku antu amitundu aweni kuno nafumizye aina Izlaeli mu Eguputo.

Ezekelo 20:44

Mwemo mwe ina Izlaeli, mulasininkizya ukuti nene indi Yawe, pano nemo nsimucita ukulingana ni mipitile inu iipe, ni misango inu ivulungane, awe. Vino nemo ndamucita, ivyakusunga sile umucinzi wane epela. Ivyalanda ne Yawe Simwandalali.”

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Loma 9:17

Pano calembwa mu malembelo ukuti, Leza wanenyile Falao ati, “Cino nakwikila pa wene, apakuti nkuomvye kuti ndange maka yane munuli, na pakuti izina lyane limanyike mu nsi yonsi.”

Yoswa 4:24

Wene wacisile ci pakuti antu yonsi amu nsi yamanye ukulu wa maka yakwe Yawe, na kuti mungaoopa Yawe Leza winu amanda pe.”

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.