Masamu 106:45 - Amazwi Yakwe Leza 2013

⁴⁵ Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 106:45 ပူးပေါင်းရင်းမြစ်များ

2 Samueli 24:16

Lino umungeli wakwe Yawe wali pipi nu konona Yelusalemu, Yawe awezya umwenzo kuti atavunuka antu nga anena umungeli uwayakomanga ati, “Ta, caticilingana!” Umungeli wi waimi apipi na pa lwano lwa kupuulila lwakwe Alauna, umwina Yebusi.

2 Yamwene 13:23

Lelo Yawe lyonsi kwene wayanga na mizu apa ina Izlaeli. Wene atalondanga ukuyakoma. Lyonsi wayatuulanga pamulandu sile wa cipangano cino wapangine na Abulaamu, na Isaki, na Yakobo. Wene atatala watazyela antu yakwe foo!

Masamu 105:8

Aliusya nu kusunga ulayo wakwe umuyayaya, ulayo uno wapile uku nkulo izimbi lyonga,

Masamu 135:14

Pano Yawe alataasya antu yakwe, alaya nu luse apa aomvi yakwe.

Masamu 136:23

Watwiwisye lino twazanzilwe, pano luse lwakwe ulwa pe na pee.

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Masamu 69:16

We Yawe, ule unjasuke. Pano wemo waya ni nkumbu izivule. Senukila kunondi, pano wemo wakwatisya uluse!

Masamu 90:13

Ala, siwatala usuula kweneko, we Yawe! Nga fwandi ukali wako ungapelela pii? Sungala uyelele aomvi yako uluse!

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Yelemiya 18:8

lelo umutundu uno napingwilile vivyo wata ukwifya, lyene ningautezela apa uyi uno naupangile ukucita.

Nyimbo zya ndosya 3:32

Nanti angala limwi atukalipile, wene akatutezela pano watukwatila uluse, nalo pasi paukulu.

Ezekelo 16:60

Lelo kwene ndiusya upangano uno napangine nawe, lino wali umwance, nupya ndapangana nawe upangano wakuyelelela pee.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Aina Levi 26:45

Ndafikilizya cipangano cane cino nacisile ku vikolwe vyao, lino nalanzile imitundu yonsi maka yane pa kufumya antu yane mu mpanga ya Eguputo, pakuti Ne Yawe ningaya Leza wao.”

Amosi 7:3

Acino lyene Yawe aya na mizu, nga avwanga ati, “Vyonsi vii vitalacitika konsi awe.”

Amosi 7:6

Acino lyene Yawe aya na mizu, nga avwanga ati, “Vyonsi vii vitalacitika awe.”

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.