Masamu 105:44 - Amazwi Yakwe Leza 2013

⁴⁴ Wayapile impanga zya mitundu, nu kupokolola vino imitundu yaculile,

Masamu 105:44 ပူးပေါင်းရင်းမြစ်များ

2 Yamwene 17:37

Lyonsi muce mwalondela ivyeo vyane na masunde yane yano namulembile. Mutakalondele tuleza tuze.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Masamu 80:8

Awewe walemwile umutingi umu Eguputo wiza wazinga imitundu umu mpanga yao, amuno wiza waulema.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 23:4

Iusyini vino napeezile impanga yao yonsi ku mitundu inu kuti iye icaupyanyi, impanga ya antu yonsi yano nacimvya ni ya antu yonsi yano yasyala pakasi ka Luzi lwa Yodani nga na Yemba wa Adiliya lwaku ufumondaka.

Yoswa 24:13

Acino namupiile impanga ino mutatazile mulime nga ni misumba ino mutatazile mukuule. Nga namwe mukaikala mwenemo nu kulya iviseekwa vyamu vyalo vya matingi ni vya miolivi ino mwemo mutalemile.”

Yoswa 24:8

Alino lyene namulesile ku mpanga ya ina Amoli, yano yikalanga lwaku ufumondaka wa Luzi lwa Yodani. Yene yamulwisizye, nga lelo nemo nayapile mu makasa inu. Nemo nayononyile pa manso inu, nga namwe imupoka impanga yao.

Yoswa 5:11

Alino pa wanda uwalondelilepo Cimulo ca Ucilo, pa wanda kwene ulya iyatomola ivyakulya vya mpanga ilya: ingano izipuke nga ni mikate isi na citutumusi.