Masamu 105:16 - Amazwi Yakwe Leza 2013

¹⁶ Lino walesile inzala umu mpanga yao Yawe wononyile ivyakulya vyonsi.

Masamu 105:16 ပူးပေါင်းရင်းမြစ်များ

Utandiko 41:54

imyaka cinimbali ya cipowe nayo itandika, ukulingana navino Yosefu walanzile. Nga kwali inzala mu mpanga zyuze zyazingulwike Eguputo. Lelo monsi mu mpanga ya Eguputo mwali ivyakulya.

Utandiko 47:13

Cipowe cali iciipe cuze cakuti kutali ivyakulya nanti vimwi mu mpanga yonsi. Caleka antu amu mpanga ya Eguputo na amu Kenani inzala iyatonsya.

Utandiko 47:19

Uzye ukulonda tufwe ale ukulola? Tupeleko ivyakulya. Utaleka tutazyele impanga muno tukalima. Tupeleko ivyakulya pakuti ukale impanga zitu muno tukalima pamwi naswe kwene. Tumaya azya yakwe Falao, ni mpanga zitu muno tukalima zimaya izyakwakwe. Tupeleko ingano kuti tutafwa ni nzala, nga ni mbezu zya kukomela.”

2 Yamwene 8:1

Elisya walanga wanena umwanaci uwikalanga mu musumba uwamwangwa Syunemu, umwanaci wiya wino Elisya watutulwile umwana wakwe umonsi, ati, “Katuka wapita, wewe pamwi na ang'anda yako, mufume muno nga muye uku kwikala kuze, pamulandu wakuti Yawe alaponya icipowe mu mpanga ii. Icipowe cico cilamala imyaka cinimbali.”

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Ezekelo 4:16

Nga nupya anena ati, “We mwana wa muntu, indi nu kucefya ukuloleka kwa vilyo umu Yelusalemu. Antu yali nu kulalya icakulya cakupimilwa sile nga nu kumwa utumanzi tunono sile, utwa kupimilwa.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Milimo 7:11

Lyene kwali cipowe mu mpanga ya Eguputo yonsi nu mu mpanga ya Kenani, icileta ucuzi ukulu cuze. Kutali kwakuti vikolwe vitu vingazana vyakulya,

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.