Masamu 104:5 - Amazwi Yakwe Leza 2013

⁵ Wasimpisya insi ndi, isi yakutelengana foo.

Masamu 104:5 ပူးပေါင်းရင်းမြစ်များ

Yobo 26:7

Leza wanza iyulu umu lwelele, ilya kwikasa lilunji. Waning'inya impanga umu lwelele.

Masamu 119:90

Ukutailwa kwako kukatwalilila mpaka mu nkulo zyonsi. Watungilila insi, nga yene yasyalilila vivi kwene.

Masamu 136:6

Wakuzile insi apapela ya matenga azike, pano luse lwakwe ulwa pe na pee.

Masamu 24:2

Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Mapinda 8:29

na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.

Kasambilizya 1:4

Imikulo ikavyalwa nupya ipita, lelo insi yene yaya sile icili conga.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 6:14

Ni yulu nalyo lifumiwa wa kukupikwa kwa lupapulo, nga ni myamba pamwi ni vilila vyonsi vyafumiwe pa vifulo vyaviko.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.