Masamu 104:15 - Amazwi Yakwe Leza 2013

¹⁵ nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Masamu 104:15 ပူးပေါင်းရင်းမြစ်များ

Utandiko 18:5

Lyene namamuletela cakulya kuti mutonsye kukanwa, cimupele maka akuti lyene mutwalilile nu ulendo winu. Ala mwancindika pa kwiza ukwane, acino lekini imutumikile.” Antu yaya yatatu yazumila yati, “Twataizya cita vivyo kwene.”

2 Samueli 13:28

nga apeela ilamulo ku yaomvi yakwe ati, “Uvwini kuno! Mulolekesye lino Amunoni amakoleka waini, nga nani ndi niza napeela ilamulo nati, ‘Mukomini Amunoni,’ mwemo ukumukoma. Mutuvwa intete, foo. Uwo umulandu wane nene. Mwemo musipe sile.”

Masamu 105:16

Lino walesile inzala umu mpanga yao Yawe wononyile ivyakulya vyonsi.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Masamu 92:10

Lelo nemo awewe wankomya, naya sile wa mbo. Wampolelela nu luzango.

Mapinda 31:6

Uwapeela uwengwa kuli yayo akufwa, kuli yayo yano yakunyongotoka.

Mapinda 31:7

Yate sile yamwe apakuti yilile uku ulanda wao, nupya yataiusya nu kucululuka kwao.

Kasambilizya 10:19

Vimulo vingakusansamusya, alino waini nawe angakuzanzya. Lelo utange uzane vyoili vii ukwaula impiya.

Kasambilizya 8:1

Uzye aweni uwaya wa muntu wamano? Uzye aweni uwamanya usenulo wa vintu vii? Amano yakalenga kuti umuntu asansamuke, nupya amano yakalenga kuti inkansi zisenke apa usyu.

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Ezaya 55:10

Ndi vino imvula na mawe ya mvula vikapona ukufuma mupela nu kuswilila foo, suka sile vyatala vyakontelela impanga, vyaleka yavunda, vyamezya imbezu, nu kupeela katovya icakulya,

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Ezekelo 4:16

Nga nupya anena ati, “We mwana wa muntu, indi nu kucefya ukuloleka kwa vilyo umu Yelusalemu. Antu yali nu kulalya icakulya cakupimilwa sile nga nu kumwa utumanzi tunono sile, utwa kupimilwa.

Ezekelo 5:16

Ndakuletela icipowe pakuti ukacule ku nzala. Ulaauvwa ukali wa nzala kwati inceto zisongole ali zino zikukulasa pa kukukoma.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Zakaliya 10:7

Aina Izlaeli yalakolana na asambazi, yalasansamuka wa antu amwile waini. Ana yao yalaiusya vino ivikolwe vyao vyacimvizye, nu kusansamuka nayo yalasansamuka, yalazanga pakulola vino ne Yawe nacita.

Mako 14:23

Lyene atoola ulwako, ataizya Leza, ayapeela, alino nao yamwamo.

Luka 7:46

Wemo utatala wapongolwela amafuta pa mutwe wane. Lelo wene watapongolwela amafuta acinunu cisuma pa ngazo zyane.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

Malango 28:40

Imiti ya miolivi ilakula mu mpanga inu yonsi, lelo mutalaenga kweneko amafuta, pamulandu wakuti iviseekwa vya miolivi vilalukuta wa tumbozya.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

Yakapingula 19:5

Pa wanda wakwe cini, iyakatuka pa macaca nu kuiteyanya ukupita, lelo sivyala anena umukwi ati, “Tala lini ivyakulya, pakuti mukwate amaka akupita.”

Yakapingula 9:13

“Lelo umutingi iwasuka uti, ‘Pakuti imuteke, suka ntale nte ukupanga waini, wino akasansamusya tuleza na antu.’

Yakapingula 9:9

“Lelo muolivi nao iwasuka uti, ‘Pakuti imuteke, suka ntale nte ukupanga amafuta yane, yano yakaomvya pa kucindamikako tuleza na antu.’