Mapinda 9:8 - Amazwi Yakwe Leza 2013

⁸ Utakalipila umuntu wa mitumfyo, pano limwi angakupata. Kalipila umuntu uwamano, pano wene alakucindikilapo.

Mapinda 9:8 ပူးပေါင်းရင်းမြစ်များ

1 Yamwene 1:23

Antu nayo iyanena umwene yati, “Kasema Natani wataiza.” Acino Natani aingila mu muputule ulya nga akontama pa manso ya mwene.

1 Yamwene 1:32

Lyene umwene Davidi atuma akuya aama Zadoki, na Natani, nga na Benaya umwana wakwe Yeoyada. Lino yiiza yingila,

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Mapinda 1:5

Lekini antu yamano nayo yalunduluke ukumanya umwalola amapinda ni mvwango zya wile, nga nu kuyalundilako amalango nu kulangilila asambilile intunga yampomvu,

Mapinda 10:8

Umuntu wamano akawaka amasunde, lelo mpundililwa wene alalowa.

Mapinda 13:1

Umwana wa mano akasumbako amano lino isi akumulungika, lelo uwacilumba wene asiuvwila lino yakumusunda.

Mapinda 13:18

Upina wene waya ukuzewana kuli yayo akatalamila malango, lelo umuntu wino akafuukila amasunde akacindamikwa.

Mapinda 15:12

Uwa mitumfyo asisakamala ukulungikwa, nupya wene asiuzya ku antu ya mano.

Mapinda 19:25

Uwa mitumfyo yalinzile yamume apakuti antu yano yatamanya umwalola amano, yasambililile kweneko. Kalipila umuntu wa mano apakuti ailuke, atezye.

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Mapinda 23:9

Utalandila ivintu vyamano uku muntu umuwelewele, pano wene atange auvwe usuma muli vino ukulanda.

Mapinda 28:23

Wiyo akakalipila auze, yalamutemwa wakwe cimwi apacisila, ukuluta vino yangatemwa icipondo.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Ezaya 36:21

Awe cumi, lyene alino antu nayo yikala sika! Yikala cele ukwaula ni cakwasuka, pano umwene Hezekiya wayakonkomizye ukukana asukako.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.