Mapinda 8:4 - Amazwi Yakwe Leza 2013

⁴ “Mwe antu mwe! Ala amwemwe nkwama, ala izwi lyane likwama umuntu ali wensi.

Mapinda 8:4 ပူးပေါင်းရင်းမြစ်များ

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Mapinda 8:3

Umupipi na pa mpongolo zya musumba ali pano yakalaizya yati,

Mapinda 8:5

Mwe mbutuma mwe, ala sambililini ukucenjela kunondi, vipuwa mwe, kopini amalango.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Mateo 11:15

Ali na matwi yakuuvwa auvwe!

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.