Mapinda 8:10 - Amazwi Yakwe Leza 2013

¹⁰ Sololini utunguluzi wane ukuluta ukusolola siluva, nu kuzengela ukumanya ukuluta zaabu musuma cuze.

Mapinda 8:10 ပူးပေါင်းရင်းမြစ်များ

Yobo 28:15

Amano yayo yatange yakalwe na zaabu uwamutengo nanti ukuyakauzya ni mitumba yakwe siluva.

Yobo 28:17

Yene yaluta ukucindama kwi lola iliyengese, ilyakwe kilisto. Kutange kuye nanti wenga angakaula amano, ukukauzyanya icintu icili consi icapangilwa na zaabu.

Masamu 119:127

Ala natemwa amalamulo yako ukuluta Zaabu, ukuluta Zaabu wiya kwene umusuma cuze.

Masamu 119:162

Nemo indi nu luzango apamulandu na malayo yako. Nene muzange wa muntu umwi uwazana icuma icivule.

Masamu 119:72

Amasunde yano wampile yaluta icuma icivule cakwe siluva na zaabu.

Mapinda 10:20

Amazwi ya muntu wino akacita ivisuma, yaya wakwe siluva umusuma cuze, lelo amelengwe aipe yene yaya asilesile.

Mapinda 16:16

Ukukwata malango kwazipa ukuluta zaabu, nu kucenjela kwacindama ukuluta siluva.

Mapinda 20:15

Kwaya zaabu nu ukasi nyanya uwamutengo, lelo akanwa akakavwanga ivya mano, iciyembelo icitangapimwa nu mutengo uli onsi.

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Mapinda 8:19

Vino nemo nkapeela vilusile pali zaabu uku usuma, vyacila napali siluva kwene uku usuma.

Kasambilizya 7:11

Umuntu wensi uwa umi alinzile kuya uwamano. Ukuya na mano caya kwati ukupokelela icaupyanyi,

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.