Mapinda 7:23 - Amazwi Yakwe Leza 2013

²³ mpaka yaitulinkanya itima uku luceto, wa cunyi icaisumbila umwi liya, citamanyile ukuti yacipangila mpiti umi wa ciko.

Mapinda 7:23 ပူးပေါင်းရင်းမြစ်များ

Mapinda 1:17

Yakaicuzya sile uku kuteya ivyunyi inkose, lino vyene vikulolekesya na kweneko.

Mapinda 6:26

Pano umwanaci cizelele ungamukala ku mukate sile, lelo cizelele muka mweneco wimilila sile apa kulovya umi wako.

Mapinda 6:32

Lelo uwayembuka nu muci wa muze wene wuulilwa amano, awe wene ala wailya umweneco.

Mapinda 7:22

Nga nawe amulondela umu kukolopekwa, kwati amasaye wino yatwala uku kufyula, nanti wa nswela iyalemwa uku citeyo,

Mapinda 9:18

Lelo aonsi yayo yatamanyile ukuti antu akaya ukwakwe yakaitwala sile ku mfwa. Alino na yano yakaingila ukwakwe, yakulukila mpiti uku zimo.

Kasambilizya 7:26

Nazanyile icintu cimwi iciwaye ukuluta imfwa, umwanaci wene wakola ulukose. Icitemwiko cino wene akalanga ku onsi cikalema antu wi sumbo, alino amakasa yano akakumbatila umonsi yakafyela wa munyololo. Umonsi wino akazanzya Leza angapusuka ku mwanaci wiyo, lelo kaifya alalemwa ku mwanaci wii.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.