Mapinda 6:6 - Amazwi Yakwe Leza 2013

⁶ Yanga uku kanyelele mukasu we, ulole imiyele ino kakwata, ukope amano kunokali.

Mapinda 6:6 ပူးပေါင်းရင်းမြစ်များ

Mapinda 1:17

Yakaicuzya sile uku kuteya ivyunyi inkose, lino vyene vikulolekesya na kweneko.

Mapinda 10:26

Ndi vino waini musasalume akauvwika umukanwa, avino ivyunsi vikauvwika umu manso, nupya ali vino umuntu mukasu waya kuli yano yakumutuma.

Mapinda 10:4

Iminwe ya ukasu ikatwala umuntu ku upina, lelo amakasa yakanzuke yakalonsya umuntu.

Mapinda 13:4

Umuntu umukasu akakumbwa ivya yauze ukwaula ukuvilola, lelo umuntu akaombesya wene akalonka.

Mapinda 15:19

Inzila ya mukasu yasapilizya imyunga, lelo inzila ya mulungami ikoline wa museo ukalamba.

Mapinda 18:9

Umukasu apakuomba, amwina kamononye.

Mapinda 19:15

Ukasu ukalalikizya umuntu umutulo utukalamba, nga nu muntu umukasu alafwa uku nzala.

Mapinda 19:24

Umukasu akateela iminwe yakwe umu mbale, icimucuzya apakuifumya mwenemo nu kutwala apa kanwa!

Mapinda 20:4

Umukasu asyalima apa nsita isuma. Acino apa insita ya uzombozi, ndi wene waya umu calo, pasi cino angazana.

Mapinda 21:25

Ulunkumbwa lukakoma umukasu, pano iminwe yakwe ikakana ukuomba imilimo.

Mapinda 22:13

Umukasu akavwanga ati, “Cisama ali panzi! Ndi naya umu museo amandema!”

Mapinda 23:19

Uvwa kuno mwanane, nga ukwate amano, nu mwenzo wako waelenganya ivya nzila nsuma.

Mapinda 30:24

Kwaya kweneko ivya umi vini ivicepesye pano nsi. Lelo vikwene vili vintu vimwi ivyakwatisya amano:

Mapinda 30:25

Utunyelele utuntu tumwi tuno tutakoma. Lelo tukateyanya ivyakulya vyatuko umu cisanya.

Mapinda 6:9

Uzye wemo ukwikala sile ala watulala, ulaomba lilaci mukasu we? Uzye utulo twako tulasila lilaci?

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Yelemiya 8:7

Nanti sile amazela mu lwelele yakamanya insita iyapimwa. Ivipeele, utumimbi ni ngoli, navyo kwene vikasunga insita izili nu kwiza. Lelo antu yane yaa yatamanya vino ne Yawe napingula.

Mateo 25:26

“Mwene wakwe nawe amunena ati, ‘We muomvi mwipe nupya mukasu. Uzye fwandi wamanyile vino nkazombola pano ntakomile, nu kukolonganika pano ntasansansile?

Mateo 6:26

Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?

Loma 12:11

Mwaombesya pa kutumikila Mwene. Mutaya akasu Mwatumikila Mwene nu muzonda.

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.