Mapinda 6:23 - Amazwi Yakwe Leza 2013

²³ Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Mapinda 6:23 ပူးပေါင်းရင်းမြစ်များ

Utandiko 39:8

Yosefu akana ati, “Si lola vino umusambazi wane wancita mwangalizi muno ng'anda. Kutacili cimwi cino akalemako, nga wapeela vyonsi mu wangalizi wane.

Masamu 119:105

Amazwi yako ali lampi ilya kuntungulula, nupya ali luswepo lwa kunkozezya inzila yane.

Masamu 119:130

Ulondolozi wa mazwi yako uli wa luswepo, wene ukaletela imbutuma amano.

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Masamu 19:8

Amalamulo yakwe Yawe yaya alungame. Yao akayalondela yakasansamukila mwenemo. Amasunde yakwe yaya atunguluke, yakatungulula umupasi, nu kunjilula ningo.

Mapinda 10:17

Umuntu akauvwila wiyo akumusunda akapita umu nzila ya umi, lelo wiyo akakana ukulungikwa wene akaponzya auze.

Mapinda 15:24

Umuntu mucenjele akasololapo inzila ya umi ino ikatwala apa nkolelo, ali kukana ponela umu mfwa.

Mapinda 15:31

Ikutwi ilikauvwa uku mazwi akusunda yano yakapeela uumi, likasyukila icifulo umukasi kakwe yao amano.

Mapinda 29:15

Umukota nu kukalipila vikapeela amano, lelo umwana ndi yamutazyela, ala yakumulolekesya sile, wene alaletela nyina insonyi.

Mapinda 3:18

Amano yakoline wa muti uno ukapeela umi kuli yao akayazengela, yao akalemelela kweneko ali yano amano yakalenga ukuti yaikala ningo.

Mapinda 4:13

Sunga masunde yane, utayasuula. Uyawake pano uli umi wako.

Mapinda 4:4

yatata yansambilizyanga na mazwi ala yakuti, “Uwake umu mwenzo wako vyonsi vii vino nkukunena, usunge amasunde yane, pakuti uye nu umi.

Mapinda 5:12

Lilyo kwene ulailizyanya uti, “Kalanda kasikolo! Silolini vino nemo nakanyile ukusundwa! Umwenzo wane watalamile ukulungikwa!

Kasambilizya 7:26

Nazanyile icintu cimwi iciwaye ukuluta imfwa, umwanaci wene wakola ulukose. Icitemwiko cino wene akalanga ku onsi cikalema antu wi sumbo, alino amakasa yano akakumbatila umonsi yakafyela wa munyololo. Umonsi wino akazanzya Leza angapusuka ku mwanaci wiyo, lelo kaifya alalemwa ku mwanaci wii.

Kasambilizya 7:5

Cazipa kutezya ku muntu wamano wino akukunenola, kuluta ukuuvwa ku viwelewele ivikwimba inyimbo zyakulumbanya.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Yelemiya 21:8

Alino nupya Yawe anena kuti mvwange ku antu amazwi yaa, inti, “Uvwini kuno! Ne Yawe nkumupeela ukusolola pakasi ka nzila ino ikatungulula ku umi nga ni nzila ino ikatungulula ku mfwa.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.