Mapinda 5:21 - Amazwi Yakwe Leza 2013

²¹ Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Mapinda 5:21 ပူးပေါင်းရင်းမြစ်များ

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Yobo 14:16

Alino lyene ungaceceta ni mipitile yane yonsi, ukwaula lyene ukulondelezya na maifyo yane.

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Yobo 31:4

Uzye Leza asilola imiyele yane yonsi, nu kumanya wamanya ningo imipitile yane yonsi.

Yobo 34:21

Wene akaceceta imipitile ya muntu, nu kulola cila lutampulo lwakwe.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 119:168

Nkayela amalamulo yako na masambilizyo yako, pano wemo ukalola vyonsi vino nkacita!

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Mapinda 4:26

Leka inzila yako iye itambalale, na pali ponsi pano ukupita paye apakome ndii.

Mapinda 5:6

Wene asilondela inzila ya umi nanti panono foo. Inzila zyakwe izyaku ononesi ni lovyo, lelo umweneco atacimanya cico awe.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Umbwilo 2:18

“Lemba ku ntunguluzi yakwi uvi lyaku Tiatila uti, “Lii ilandwe kufuma ku Mwana wakwe Leza, wino amanso yakwe yakaloleka wa cimbilimbili ca moto, nga ni ngazo zyakwe nazyo zikayengesa wa cela cino cazifiwa.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.